Laus störf

Deildarstjóri Miðgarðsteymis Reykjalundar

Laus er til umsóknar 100% staða deildstjóra í Miðgarðsteymi frá og með 1. janúar 2023 eða samkvæmt nánara samkomulagi. Miðgarðsteymi er legudeild þar sem sjúklingar fá þverfaglega umönnun, þjálfun og stuðning.

Á Reykjalundi er unnið í þverfaglegum teymum þar sem áhersla er lögð á einstaklingsmiðaða nálgun og heildræna sýn. Deildastjóri ber ábyrgð á mönnun og gæðum hjúkrunar ásamt samþættingu meðferðarteymisins.

Auk deildastjórnunar í Miðgarðsteymi mun viðkomandi vera í nánu samstarfi við framkvæmdastjóra hjúkrunar og stjórnendur á meðferðasviðum 1 og 2 um skipulag hjúkrunar á Reykjalundi.

Gerð er krafa um íslenskt hjúkrunarleyfi og er æskilegt að viðkomandi búi yfir þekkingu og reynslu af stjórnun. Nauðsynlegt er að búa yfir góðri samskipta-og samvinnuhæfni, frumkvæði, skipulagshæfni og getu til að vinna sjálfstætt. Kostur er að viðkomandi hafi framhaldsmenntun í klíníski hjúkrun eða stjórnun.

Laun byggja á kjarasamningi Félags íslenskra hjúkrunarfræðinga og Samtaka fyrirtækja í velferðarþjónustu auk stofnanasamnings Félags íslenskra hjúkrunarfræðinga og Reykjalundar.

Upplýsingar um starfið gefa Ólöf Árnadóttir, framkvæmdastjóri hjúkrunar í síma 585-2129 olofa[hjá]reykjalundur.is og Guðbjörg Gunnarsdóttir, mannauðsstjóri í síma 585-2143 gudbjorg[hjá]reykjalundur.is

Umsóknarfrestur er til 9. desember 2022.


  Sækja um starf hér