Forsíða » Um Reykjarlund » Sambýlið Hlein

Sambýlið Hlein

Hlein er hjúkrunarsambýli fyrir einstaklinga sem hafa fatlast mikið af völdum sjúkdóma eða slysa. Markmið starfseminnar er fyrst og fremst að hjálpa þeim að lifa eins eðlilegu lífi og hægt er. Á heimilinu búa sjö manns og hefur hvert þeirra íbúð útaf fyrir sig þar sem umhverfið er sniðið að þörfum þeirra. Vinnuhæfing og félaglegur þáttur skiptir miklu máli í markmiðum heimilisins og er því öll umönnum heimilisfólks einstaklingshæfð. Á Hlein starfa hjúkrunarfræðingur, iðjuþjálfi, sjúkraliðar, félagsliðar, aðstoðarfólk, kennari og matráður.

Hlein er í eigu SÍBS og er með rekstrarsamning við Sjúkratryggingar Íslands. Hlein er staðsett á lóð Reykjalundar og íbúar fá þjálfunar- og læknisþjónustu frá Reykjalundi. Í húsakynnum Reykjalundar er rekin vinnustofa fyrir íbúa Hleinar.

Húsnæði Hleinar er í eigu SÍBS og var byggt á árunum 1990-1992 að stórum hluta fyrir söfnunarfé sem Lionshreyfingin aflaði með sölu á rauðu fjöðrinni. Fyrstu íbúarnir fluttu inn í húsið árið 1993.

Hollvinasamtök Hleinar styðja við þá starfsemi sem fram fer á vegum Hleinar í samráði við starfsfólk og yfirstjórn Hleinar. Þeir sem hafa áhuga á að ganga í hollvinasamtökin er bent á að hafa samband við Anný Láru Emilsdóttur framkvæmdastjóra Hleinar í gegnum netfangið annylara[hjá]reykjalundur.is eða í síma 585 2092 á dagvinnutíma.