Fagráð um heilaskaða

Fagráð um heilaskaða er þverfaglegur hópur fagfólks sem lætur sig málefni heilaskaða varða. Fagráðið samanstendur af fagfólki úr heilaskaðateymum Landspítalans og Reykjalundar, auk annarra fagaðila sem koma að málum fólks með heilaskaða. Fagráð velur sér formann og ritara til eins árs í senn, en hlutverk þeirra er að halda utan um starfsemi fagráðs. Í fagráðinu er engin fjárhagsleg umsýsla. Hlutverk fagráðsins er að efla skilning á málefnum fólks með heilaskaða á meðal stjórnvalda og almennings og ýta undir þverfaglegt samráð. Fagráðið er einnig stuðningur við Hugarfar, félag fólks með ákominn heilaskaða, aðstandenda og áhugafólks um málefnið.

Skilgreining

Fagráðið er opið öllu fagfólki sem hefur áhuga á málefninu. Fundir eru haldnir fjórum sinnum á ári. Ef þú hefur áhuga á að ganga til liðs við fagráðið skaltu senda póst til stjórnar.

  • Þórunn Hanna Halldórsdóttir, formaður
    Yfirtalmeinafræðingur á Reykjalundi
    thorunnh[hjá]reykjalundur.is

  • Ella Björt Teague, ritari
    Yfirsálfræðingur á Reykjalundi

  • Smári Pálsson, tengiliður við Hugarfar
    Sérfræðingur hjá Virk