Hagnýtar upplýsingar fyrir sjúklinga
Til að komast í meðferð þarf beiðni frá lækni. Sjúklingur fer á biðlista og haft er samband við hann þegar á að innskrifa hann. Flestir sjúklingar innskrifast á mánudagsmorgni. Í vikunni fyrir innskrift hringir hjúkrunarfræðingur í sjúkling og lætur í té upplýsingar um endurhæfinguna. Á fyrstu dögunum fer sjúklingur í komuviðtal hjá lækni og hjúkrunarfræðingi og hittir þjálfara. Sjúklingur fær síðan stundaskrá í hendur og þjálfunin hefst.
Upplýsingar um biðlista
Farangur
Gott er að hafa eftirfarandi lista til hliðsjónar þegar sjúklingur undirbýr endurhæfingu á Reykjalundi:
Innifatnaður: Íþróttafatnaður, bolir, tveir gallar ("jogging-gallar"). Góðir íþróttaskór fyrir innileikfimi. Nærföt, sokkar, sundföt og hársápa.
Útifatnaður: Vatns- og vindheld hlífðarföt. Gönguskór og mannbroddar. Húfa, vettlingar og trefill. Endurskinsmerki.
Matsalur
Matsalurinn er á fyrstu hæð. Þar er framreiddur matur fyrir sjúklinga og starfsfólk. Matarmiðar fyrir gesti eru seldir á símavakt.
Heimsóknartímar
Engir ákveðnir heimsóknartímar eru á Reykjalundi. Algengt er að líkamlegri þjálfun ljúki kl. 16.00 á daginn, en stundum eru aðrir meðferðartímar seinnipart dags. Því er æskilegt hafa samráð við sjúklinginn varðandi heppilegan tíma fyrir heimsóknir. Hægt er að hringja í sjúklinga sem dvelja á Reykjalundi með því að biðja um samband við þá gegnum skiptiborð.
Símar
Símasjálfsalar eru á 1. hæð hjá símavakt. Í þá er hægt að setja bæði mynt og símakort. Símakort eru seld á símavakt.
Bókastofa
Opin bókastofa er í Norðurstofu Reykjalundar. Þar er að finna ágætt úrval bóka og tímarita sem hægt er að fá að láni. Engin vakt er á bókastofunni. Sjúklingum er heimilt að taka með sér bækur til að lesa uppi á herbergi og þeir bera sjálfir ábyrgð á að skila þeim aftur í bókastofu fyrir útskrift.
Dagblöð og tímarit
Í Norðurstofu Reykjalundar liggja frammi dagblöð og tímarit sem ætluð eru til lestrar þar.
Verslun
Verslun er á fyrstu hæð hússins. Þar fæst ýmis smávara og hreinlætisvörur. Auk þess er þar umboð fyrir happdrætti SÍBS. Verslunin er opin alla virka daga kl. 13.30 16.00.
Ferðakostnaður sjúklinga
Við ákveðnar aðstæður eiga sjúklingar rétt á að fá greidda heimferð um helgar. Sjúklingar eru hvattir til að kynna sér það á vefsíðu Tryggingastofnunar Ríkisins