Alþjóðlegur geðheilbrigðisdagur þann 10. október 2005
Í tilefni Alþjóðlega geðheilbrigðisdagsins þann 10. október 2005 býður starfsfólk frá geðsviði Reykjalundar almenningi til fræðsludags í Gerðubergi
Starfsfólk geðsviðs Reykjalundar ætlar að bjóða almenningi upp á fræðsluerindi í Gerðubergi þann 4. október, milli kl. 14:00 og 16:30. Erindi þessi eru hluti af fræðslu sem boðið er upp á í endurhæfingardagskrá okkar undir yfirskriftinni Að vera manneskja. Grunnhugmynd þessarar fræðslu er að hvetja sjúklinga til að taka ábyrgð á eigin heilsu. Farið er í gegnum marga þá þætti sem einstaklingurinn getur sjálfur haft áhrif í sínu daglega lífi og sannanlega skipta máli fyrir heilbrigði og vellíðan. Erindin nefnast Áhrif depurðar á daglegt líf í umsjá Önnu Maríu Jónsdóttur geðlæknis, Jafnvægi í daglegu lífi í umsjá Þórunnar Gunnarsdóttur iðjuþjálfa, Áhrif hreyfingar á andlega líðan í umsjá Arnbjargar Guðmundsdóttur sjúkraþjálfara, Viðmót skapar viðmót flutt af Ingibjörgu Flygering félagsráðgjafa og Samskipti og félagsfærni flutt af Rúnari Andrasyni sálfræðingi.
Fyrir hönd geðteymis Reykjalundar
Valgerður Baldursdóttir yfirlæknir.