Gengið í Kerlingarfjöllum
15 manna hópur starfsmanna og maka hélt í Kerlingarfjöll eftir vinnu sl. föstudag. Þar tók haustveður á móti hópnum og var frost og snjókoma þegar lagt var af stað gangandi úr skálum á laugardagsmorgni. Gengið var um Hveradali og yfir Kerlingarfjöllin niður að Kerlingarárgljúfri og Kerlingará fylgt í Leppistungur að skála Hrunamanna sem þar er. Veðrið lagaðist þegar leið á daginn, sólin fór að skína og mikilfengleg fjallasýn blasti við. Meðfylgjandi mynd er af hópnum í Leppistungum ásamt trússbílstjórunum, áður en haldið var í sunnudagsgönguna niður í Svínárnes.
