Græn gjöf til iðjuþjálfunar

Ásmundur I. Þórisson grænmetisbóndi í Lambhaga færði nýverið iðjuþjálfunardeildinni salatplöntur og kryddjurtir. Plöntunum kom hann fyrir í kerum fyrir utan iðjuþjálfunardeildina og eru þær þegar farnar að nýtast í tengslum við þjálfunareldhúsið. Í fyrra var ræktað í þremur kerum og nú hefur fjórum verið bætt við. Garðyrkja er algengt áhugamál og hefur sannað sig sem þáttur í endurhæfingu. Vonandi er þessi ræktun á iðjuþjálfadeildinni vísir að þjálfunargarði. Kunna iðjuþjálfar Ásmundi bestu þakkir fyrir hans framlag.